Lekol dan rezyon santral ek Les Mahé i reouver ozordi |23 September 2020
Minister Ledikasyon ek Devlopman Resours Imen an kolaborasyon avek DRDM i oule enform tou paran ek manm piblik ki sa bann lekol swivan dan rezyon santral ek Les Mahé ki ti’n fermen yer Mardi le 22 Septanm, pou aprezan re-ouver ozordi Merkredi le 23 Septanm.
Sa i enkli:
- Plaisance Primer ek son Lakres
- Plaisance Segonder
- Lekol Eksepsyonnel
- Lakres Les Mamelles
- Mont Fleuri Primer ek son Lakres
- Mont Fleuri Segonder
- Perseverance Primer ek son Lakres
- Perseverance Segonder
- Bel Eau Primer ek son Lakres
- Lakres Rivière Anglaise
- Rivière Anglaise Segonder
- La Rosière Primer ek son Lakres
- Lakres Labourdonnais
Desizyon in ganny pran apre en evalyasyon konzwent par DRDM ek Minister Ledikasyon ek Devlopman Resours Imen.
Minister i oule remersye tou paran ek manm piblik pour zot korperasyon ek konprenezon.
Nou ava rapel ki sa bann lekol ti’n bezwen fermen akoz zot ti pe ganny afekte par lafimen toksik okazyonnen par en dife ki ti pe pran depi Sanmdi swar dan landrwa kot i zet salte (landfill) Providence.
Kominike sorti kot Minister Ledikasyon ek Devlopman Resours Imen