Follow us on:

Facebook Twitter LinkedIn YouTube

Politics

Eleksyon Zeneral 2020 | 24 September 2020

United Seychelles i demann tou dimoun pour respekte propriyete lezot

 

United Seychelles (US) in lans en lapel avek manm piblik pour montre matirite politik e annan respe pour propriyete lezot.

US in dir sa dan en kominike dan ki in kondann bann aksyon vandalizm ki i dir pe ganny komet atraver diferan distrik lo Mahé, Praslin ek La Digue kot plis ki 50 son bann billboards ek posters in ganny detri ouswa andomaze.

“I annan levidans kler kot dimoun in retir, zet ater, kase, detrir e pil lo billboard, kot zot in fer desen endesan, ekrir mo vilger e zet bann billboards ek posters parti United Seychelles dan larivyer e dan bin. Resaman, in osi annan dimoun ki’n penn en billboard United Seychelles Glacis avek malpropte,” US i dir dan sa kominike.

US in lans en lapel avek manm piblik pour montre matirite politik e annan respe pour propriyete lezot.

Dan en lot kominike separe, parti Linyon Demokratik Seselwa (LDS) in osi note ki in annan plizyer ka domaz lo son bann billboard ek posters dan plizyer distrik. LDS in sit Anse Royale, Grand Anse Praslin, La Digue, Port Glaud, parmi lezot, kot sa bann aksyon vandalizm in ganny komet lo son bann materyo.

Antretan parti US dan son kominike in demann dirizan bann parti politik pour promouvwar en kanpanny eleksyon kot i annan respe, tolerans ek lape.

“I enportan ki bann dirizan i montre legzanp pour ki zot siporter i konport zot dan en fason sivilize,” sa kominike US i dir.

 

Kominike US/Kominike LDS

More news