Follow us on:

Facebook Twitter LinkedIn YouTube

Politics

Eleksyon Zeneral 2020 |12 October 2020

Eleksyon Zeneral 2020

Kandida prezidansyel pou prezant zot dezyenm progranm 26 minit tanto lo radyo ek televizyon

 

  • Antretan, kandida Lasanble Nasyonal pour Les Mamelles ek Mont Buxton ti prezant zot progranm yer swar

 

Dan kad progranm politik lo radyo ek televizyon pour eleksyon zeneral 2020, sa trwa kandida prezidansyel – Danny Faure (United Seychelles), Wavel Ramkalawan (Linyon Demokratik Seselwa) ek Alain St Ange (One Seychelles) – pou prezant zot dezyenm progranm 26 minit tanto.

Progranm lo radyo (Radyo Sesel) i konmans 8er diswar tandis ki lo televizyon (SBC 1) progranm i konmans 9.05 diswar.

Antretan bann kandida Lasanble Nasyonal pour distrik Les Mamelles ek Mont Buxton ti prezant zot progranm yer swar e sa pou repete ozordi 9er bomaten lo Radyo Sesel e 10er bomaten lo televizyon (SBC1).

Bann kandida pour Les Mamelles i Bernard Georges (Linyon Demokratik Seselwa), William Cadeau (Lalyans Seselwa) ek Jill Emile (United Seychelles) tandis ki pour distrik Mont Buxton

bann kandida i Gervais Henrie (Linyon Demokratik Seselwa), Robert David (United Seychelles) ek Jean Yves Ally (One Seychelles).

Zournal Seychelles NATION i antretan oule demann lekiz pour pibliye dan son edisyon Sanmdi ki ti napa progranm politik lo radyo ek televizyon yer swar. Okenn lenkonvenyans ki sa in kapab koze i byen regrete.

 

Kandida prezidansyel

 

Danny Faure (United Seychelles)

 

Wavel Ramkalawan (Linyon Demokratik Seselwa)

 

Alain St Ange (One Seychelles)

 

********

 

                                     Kandida Lasanble Nasyonal

 

Les Mamelles                                                                                         Mont Buxton

 

Bernard Georges                                                                                  Gervais Henrie

(Linyon Demokratik Seselwa)                                                      (Linyon Demokratik Seselwa)

 

 

William Cadeau                                                                                    Robert David

(Lalyans Seselwa)                                                                                 (United Seychelles)

 

 

Jill Emile                                                                                                    Jean Yves Ally

(United Seychelles)                                                                              (One Seychelles)

 

 

 

 

 

More news