Follow us on:

Facebook Twitter LinkedIn YouTube

Politics

US i kondann bann akt vandalizm pandan peryod kanpanny eleksyon | 16 October 2020

United Seychelles in demann lotorite konsernen pour pran aksyon neseser swivan bann aksyon vandalizm ki pe kontinyen pandan sa kanpanny eleksyon.

Dan en kominike, US i dir i malere ki in pran en lensidan kot loto kandida One Seychelles pour distrik Perservance, Msye Bernard St Ange, in ganny ‘spray’ avek bann parol vilger pour montre popilasyon lanpler sa bann akt vandalizm ki pe arive toulezour.

United Seychelles i dir in anmenn son konsern ek konplent devan bann lotorite ki enkli Komisyon Eleksyon, Lapolis e menm servi medya pour montre ki mannyer son bann billboards ek posters pe ganny detri depi zour ‘Nomination Day.’

“I malere vwar ki sa bann konsern pa’n ganny pran o serye,” US i dir dan son kominike.

“I osi tris ki olye ede redwir tansyon politik e edik nou bann aktivis pour annan respe pour propriyete lezot ek lalwa ki gouvern kanpanny eleksyon, i annan parti politik ki zwe bliye ki kalite billboard ek posters ki ou kapab met anler. I enportan ki nou pa zis koz zoli parol me osi met an pratik nou dezir pour anmenn en kanpanny prop baze lo lord ek respe,” sa kominike i dir.

United Seychelles i reste fikse lo son kanpanny ki baze lo linite nasyonal, tolerans ek Iape e i deplor bann aksyon ki annan sel bi diviz popilasyon e anmenn vyolans ek laenn dan nou bann kominote,’ sa kominike i azoute.

 

Kominike United Seychelles

More news