Follow us on:

Facebook Twitter LinkedIn YouTube

Politics

Lider lopozisyon i sorti lo komite Platinum lo Covid-19 | 09 February 2021

Lider lopozisyon dan Lasanble Nayonal, Onorab Sebastien Pillay, nepli en manm lo komite Platinum lo Covid-19.

Se parti politik United Seychelles ki ti fer sa lanons dan en kominike lapres Sanmdi le 6 Fevriye, en zour apre ki 147 ka Covid-19 ti’n ganny dekouver dan pei.

Sa kominike i lir koumsa : «United Seychelles i reste konsernen avek sitiasyon Covid-19 dan Sesel, sirtou la ki 147 ka in ganny dekouver. US i santi ki gouvernman pa pe fer ase pour mannye sitiasyon, ki gouvernman pe pran en lapros otokratik kot i pa pare pour ekout lezot konsey.

«I kler ki polisi ki gouvernman pe swiv pa pe ede redwir lakantite ka Covid-19 ki pe afekte nou pep e ki koz lanmor parmi nou sitwayen.

«US i ankor enn fwa demann fortman ki en lockdown i ganny enplimante, ki lakantite sant vaksinasyon i ogmante e resours i ganny mobilize pour kapab donn vaksen lamazorite nou pep o pli vit posib.

«Vi latitid gouvernman pour kontinyen inyor tou sa ki i sizere e enpoz zot bann desizyon, US i vwar li neseser pour retir son partisipasyon lo komite Platinum lo Covid-19. Apartir ozordi (Sanmdi le 7 Fevriye 2021), lider lopozisyon dan Lasanble Nasyonal, Onorab Sebastien Pillay, i nepli en manm lo sa komite.

«US i oule sezi sa loportinite pour demande ki aksyon desizif i ganny pran kont IOT kot ka pozitif in desot 150 e sa sif pe kontinyen ogmante.

«US pou servi lezot foronm ek lenstriman, tel ki Lasanble Nasyonal, pour met devan bann propozisyon ki i panse i devret ganny enplimante pour redwir sa problenm.»

 

Kominike sorti kot parti United Seychelles

More news