Follow us on:

Facebook Twitter LinkedIn YouTube

Domestic

ANB i fer plizyer larestasyon an relasyon avek lofans posesyon oubyen trafik drog kontrole | 23 February 2021

Biro Anti-Narkotik (ANB) dan Lafors Lapolis Sesel in pandan sa wikenn e semenn ki’n fek pase fer plizyer larestasyon ki relye avek lofans posesyon oubyen trafik en drog kontrole. Sa i enplik 3 sispe lo Mahé e 7 lo Praslin ek La Digue.

Pour sa 3 sispe prensipal ki ti ganny arete lo Mahé, premye ti ganny arete an posesyon apepre 53.5 granm zerbaz kanabis Lendi le 15 Fevriye 2021 dan distrik Grand Anse Mahé.

Dezyenm ti an posesyon apepre 3.60 granm sispekte eroin ansanm avek 2,575.00 roupi Mardi le 16 Fevriye 2021, dan distrik Roche Caïman.

Trwazyenm ti an posesyon apepre 3.5 granm sispekte eroin ansanm avek en balans nimerik, Vandredi le 19 Fevriye 2021, dan distrik Cascade.

Apard ki fer larestasyon, zofisye ANB in osi fer lafouy lo 194 dimoun, fouy dan en bato e dan 36 lakaz e parmi 5 ladan i bann lakaz oubyen propriyete prensipal ki bann sispe trafiker drog pe servi pour fer bann aktivite relye avek tranzaksyon drog.

Dan sa bann lafouy ki ti ganny fer lo sa 3 zil prensipal – Mahé, Praslin e La Digue – zofisye ANB ti osi fouy dan 14 transpor e 3 parmi ki ti annan ‘tinted windows’ san laprouvasyon konmisyoner lapolis, ti ganny sezi pour plis lanket.

Tou sa bann sispe pe fer fas avek prosekisyon pour lofans ki zot in komet.

 

Kominike sorti kot ANB

 

More news