En pti rankont spesyal pour zanfan mwen fortinen


03-January-2018

 

En pti rankont spesyal ti ganny organize Dimans apremidi kot Sant St Gabriel Anse Aux Pins pour bann zanfan ki’n perdi zot paran.

Sa group zanfan ki ti sorti dan diferan rezyon ti ganny akonpannyen par bann manm fanmiy dan sa pti levennman kot zot ti kapab rezouir larive lannen 2018.

Per Loni Adrienne ti dir ki i fer premye fwa ki zot organiz en tel aktivite pour egey bann zanfan pandan sa letan festivite.

“Pour sa premye fwa nou’n swazir enpe zanfan ki’n perdi en paran ouswa toulede dan bann lannen resan. Se vreman bann ka sansib e tre tousan e nou ti santi ki zot ti merit en pti parti pour zot kapab manze e danse ansanm,” i ti dir.

 

 

 

Print