Archive - Archive 2004 - July 2013

Tiraz Lotri Festival Kreol-Francis Valentin i gannyan gran pri |05 November 2004

Tiraz lotri Zedi

Tiraz sa lotri ti fer Zedi kot Bibliotek Nasyonal dan prezans bann zofisye Lapolis, Seychelles Licensing Authority (SLA) e bann manm komite ki'n organiz sa festival.

Apard sa gran pri, ti annan 28 lezot pri dan sa lotri.

Premye pri – en tiket ale retour Dubai e en pri larzan R3,000 – in al pour Leonard Confait, Bel Air.

Marie France Joseph, ki reste Anse Royale, i gannyan dezyenm pri, ki en tiket ale retour Mauritius e en pri larzan R2,000.

Trwazyenm pri, ki en "deep freezer", in al pour Daniel Laboudallon ki reste St Louis, tandis ki Ghislaine Rene ki reste Anse Volbert Praslin in ganny en masin lav lenz koman katriyenm pri.

Senkyenm pri in al pour Kevinson Jean sorti Mont Plaisir, Anse Royale e li in ganny en frizider.

Gannyan bann lezot pri, ki enkli plizyer lekipman elektronik, wikenn e dinen dan lotel ensi ki plizyer pri larzan tre enteresan, pou ganny pibliye plitar.