Zofisye lanrezistreman voter i sermante |12 January 2005

Ozordi, sa anviron 60 asistan zofisye lanrezistreman ek bann volonter i ekspekte a zot tour pret serman devan bann zofisye ansarz lanrezistreman.

Sa 17 zofisye ansarz, ki ti ganny prezante avek bann prosedir sa legzersis, i annan responsabilite pour kordin lanrezistreman voter dan sa 25 distrik atraver pei e fer sir ki sa legzersis i deroul dapre lalwa.
Sa legzersis, ki komanse ozordi, pou ale ziska Mardi le 25 Zanvye.

Dapre Msye Tirant bann dimoun ki pe partisip dan sa legzersis i deza annan leksperyans e zot deza familye avek bann prosedir.
Lefe ki i annan en mank kart idantite dan pei, en dokiman enportan ki bann dimoun i bezwen anmenn avek zot ler zot vin enspekte rezis voter, Msye Tirant in dir ki bann dimoun ki fek antre dan pei pou selman ganny en dokiman avek son nimero idantite selman lo la.
Alor in demann avek zot pour ranmas byen sa dokiman.