Brans dibwa i andomaz en taksi |22 March 2005

Sa gro pye dibwa ki’n pour en bon pe letan eparnny bann drayver taksi ki stasyonn zot transpor lo Independence Avenue kont gro soley, pa ti paret tro senpatik Lendi ler en gro brans ti desire e andomaz enn parmi plizyer taksi ki ti’n stasyonn la.

Sa taksi, ki propriyete Msye Garry Souris, ti sibir bokou domaz sirtou lo son bout devan.

Erezman, Msye Souris pa ti ganny okenn dimal letan sa lensidan ti arive ver 2.20 apremidi me par kont, enn son koleg, Msye Guilly Elizabeth, ki ti’n stasyonn zis par deryer li, ti sibir dimal dan son ledo ek lazanm dan son mannev pour retir son transpor.