En madanm i admit lopital avek lebra kase |16 April 2005

Dapre en kominike lapolis, aksidan ti arive letan drayver en loto ki ti pe fer direksyon Anse Aux Pins sorti lavil ti perdi kontrol son transpor ler i ti pe overtake en lot loto.
Apre ki i ti'n perdi kontrol, son loto ti al tap dan en gro po fler obor semen e apre loto ti savire.

Ti annan antou 4 dimoun dan sa loto o moman aksidan.

Drayver ek en lot pasaze zonm pa'n ganny gran dimal tandis ki en pti garson in sorti sen e sof dan sa aksidan.