Follow us on:

Facebook Twitter LinkedIn YouTube

Archive - Archive 2004 - July 2013

Lansiv in anonse: Ankor en nouvo CD sorti kot Per Gappy |27 August 2005

Lansiv in anonse: Ankor en nouvo CD sorti kot Per Gappy


Sa CD ki annan 11 sanson ki serten i baze lo lafet Nwel ek nouvo lannen, i en kado pour tou dimoun pour sa lokazyon. Andotmo, Lansiv in anonse i kapab komans met ou dan sa lanbyans lafet avek bann sanson parey Zezi Mon Zanmi, Laklos Sonnen, Zezi in Ne ek Spirit of Peace.

Lezot nimero parey Je Suis La, Soufle Lespri Sen, Jesus My Light, Lazwa i bann sanson spirityel pour nenport lokazyon.

Lansiv in anonse i kout R125 e i anvant dan bann magazen dan Lari Bazar. Manm piblik pou osi kapab aste zot kopi pour selman R100 apre lanmes kot Cathédrale Immaculée Conception pandan wikenn.

Pour bann ki kontan sante sa CD i osi annan parol tou bann sanson.

Per Gappy in dir ki larzan ki kolekte avek lavant sa CD pou al ver konstriksyon River of Life Resource Centre, en sant edikatif e detant ki pou promouvwar bann bon valer lavi.

Pour realiz sa CD Per Gappy in ganny lasistans mizisyen parey Alain Bacco, Bruce Freminot, Cyril Vital e osi Bryna Matombe ki’n azout son lavwa lo Lansiv in Anonse ek Zezi Mon Zanmi.

 

» Back to Archive