Posesyon drog ilegal-Lapolis pe fer lanket dan 4 nouvo ka |02 March 2006

Sa madanm ti ganny arete La Digue an posesyon zerbaz osi byen ki en morso sibstans nwanr ki lapolis i soupsonnen i kanabis ek hashish tandis ki 2 lezot larestasyon ti ariv Corgat Estate ek Lodge Street.

Touzour Lendi lapolis ti aret en zonm Hangard Street apre ki kanabis ti ganny sezi dan son lakaz swivan en lafouy.

En madanm i kondann 5-an prizon

En madanm 39-an, Marie Celine Quatre, in kondannen pour lofans posesyon drog hashish e eroin.

Quatre, ki'n kondann 2-an pour posesyon hashish e 5-an ki en santans mandatwar pour posesyon eroin, ti ganny arete Corgat Estate le 27 Zilyet lannen pase.
Vi ki sa 2 santans pou mars ansanm, Quatre pou fer 5-an prizon.