Marathon Man i lans son premye albonm |04 March 2006

Sa artis, ki annan lapreferans pour stil reggae ek dancehall, i dir ki sa 10 konpozisyon lo son CD i baze lo spirityalite ek bann tribilasyon (soufrans) ki nou fer fas avek dan lavi toulezour.

Parmi bann sanson lo Pozisyon Mon Pe Stand i “Lavi pour nou viv” ek “Dife” ki de dancehall e osi “Dir mon lady”, “Fanm”, “Lape, lanmour, larmoni”, parmi lezot ankor.

Marathon Man i dir ki apre ki in akonpanny bann artis lokal parey Dr Madmun dan sanson Earthquake ek CB lo albonm Creole Oh Sound avek sanson “Fo Relasyon” e Mercenary avek “Mersi Manman”, in deside pour li osi demontre son talan lo son premye albonm.

Sa albonm, ki’n ganny rikorde kot Maudio Waves Studio, Grand Anse Mahe, i anvant Kot Do, Kot Baba e dan bann lezot landrwa labitid pour R125. Albonm i kout R100 si ou aste ou kopi avek Marathon Man limenm.