Kominike lapolis-Appassamy i kondann ankor |24 March 2006

Appassamy yer in kondann en premye term 4 an pou atak en fiy epi vol son mobile Nokia le 12 Oktob 2004 dan zanmerant Palais des Sports, Roche Caiman. In osi kodann en lot term 4 an prizon pou atak en lot madanm apre vol son 3 sennon, Plaisance le 15 Oktob 2004.

Sa 3 santans ki Appassamy pe servi ansemoman i ekspekte termin an 2012 e se apre ki in fini servi sa 3 santans ki i pe fer, ki sa 2 term santans pase lo li yer bomaten, pou konmanse.

Sispe vol Turtle Bay pe rimamnn

Lapolis in osi raporte ki 3 zenn onm pe rimann lo lord lakour an koneksyon avek en ka kas lakaz e vole, raporte arive Turtle Bay le 17 Mars.

Enn sa garson ti ganny arete avan Mardi e pas ankour yer, tandis ki sa de lezot ti ganny arete Merkredi e yer respektivman e pas ankour yer.  Tou le trwa pou repas ankor ankour ozordi.

Parmi bann itenm raporte vole dan sa ka, ti annan en DVD, larzan Sesel osi byen ki deviz etranzer avek 3 mobile.

Ziska prezan selman en mobile ki lapolis in rekouver swivan lanket.

De ant sa trwa sispe i sorti Turtle Bay e lot i sorti La Gogue.