En loto i kas baraz lo highway |28 July 2006

Dapre drayver sa loto, ki ti pe fer direksyon erport, i ti santi ki son loto ti pe say agos. I ti pez fren e fren pa tri pran. Ler i ti repez fren, loto ti’n fini tap dan baraz.

Touzour dapre drayver, ki pa ti ganny okenn dimal, son girlfriend ti ganny transporte lopital avek blesir dan figir.

Bout devan antye sa loto in kraze e en gran morso sa baraz ki’n ganny mete obor highway pour anpes transpor tonm lot kote semen, in andomaze.