Minister Lasante i lans en konpetisyon logo |23 September 2006

Sa konpetisyon pe target bann zenn aze ant 12 a 25-an e bann travay i merit montre manm piblik lenportans gard zot lanvironnman prop dan en fason pour ede kontrol bann maladi ki sa bann pes i kapab transmet.

Apre ki en logo i ganny swazir konman gannyan, i pou ganny servi lo bann dokiman tel ki lafis, letter heads e tou bann aktivite ki sa minister i organize.

Form i a dispozisyon piblik kot bann sant lasante, ladministrasyon distrik, kot Minister Lanvironnman e osi kot Minister Gouvernman Lokal.

Gannyan premye pri pou resevwar 4,000 roupi, dezyenm pri 2,500 roupi e trwazyenm pri 1,500 roupi.

Sa konpetisyon i fermen le 2 Oktob e tou bann travay i merit ganny anmennen kot Health Promotion Unit, Minister Lasante, pa plitar ki sa dat.

Msye Allen Nourrice, en zofisye dan Health Promotion Unit i fer piblik rapel ki zot merit gard kot zot lakour prop e servi byen bin. I dir ki sa bann prekosyon ava ede kontrol maladi ki ganny propaze par bann pes ek vermin espesyalman moustik.