Final Konkour Diskour Kreol-Anse Boileau Segonder i gran venker |11 November 2006

Tit zot ekspoze ti “Siperstisyon”.

Konman pri zot ti resevwar en sertifika avek 1,000 roupi, e sa ti ganny prezante par Minis pour Lar, Kiltir ek Spor, Sylvette Pool.

Dezyenm plas ti al pour Lekol segonder Riviere Anglaise e konman pri zot ti resevwar en sertifika ek en pri larzan 800 roupi . Sa pri ti ganny prezante par Konseye Spesyal dan Minister pour Lar, Kiltir ek Spor, Patrick Nanty.

Trwazyenm plas ti al pour Lekol segonder Praslin e zot ti ganny 500 roupi prezante par direkter zeneral Leritaz Nasyonal, Marie-France MacGregor.

Meyer prezantater ti al pour Ella Rene sorti lekol Anse Boileau tandis ki Myra Labiche sorti Lekol Riviere Anglaise ti ranport pri pour meyer kozer.
Meyer Orater dan final ti ranporte par Nigel Hoareau.

Tou sa bann etidyan ti ganny sakenn 150 roupi ek en sertifika.

Apre ki sa bann etidyan ti’n fini ganny zot pri, ti tour zot bann ansennyan ki’n prepar zot pour sa konpetisyon pour ganny zot sakenn en shield ek en sertifika pour zot bon travay.

Parmi sa trwa ansennyan ki ti ganny sa loner ti Christine Chetty sorti Praslin Segonder, Ralph Seraphine sorti lekol Riviere Anglaise e Jane Florentine sorti Anse Boileau Segonder. Sete direktris Lenstiti Kreol, Penda Choppy, ki ti prezant zot avek zot pri.