David Andre i gran venker konpetisyon sanson |27 October 2007
Avek son sanson “Kreol pe selebre”, David in reisi konvenk bann manm ziri e sorti premye par
Dapre bann manm organizater, kriter prensipal pour sa lannen sete ki mannyer bann artis i kapab enterpret kreolite dan en laspe ase balanse, setadir le pase, leprezan e osi lefitir.
Touzour dapre bann organizater, konpetisyon ti enn tre sere e tou bann partisipan ti vin avek bann bon travay ki ti fer louvraz bann manm ziri enn tre difisil.
Avek « Sega kreol », Philip Toussaint in pran dezyenm plas par devan Michelle Marengo ki’n partisip avek en morso ki apel « File Kreol ».
Melvina Matatiken in sorti katriyenm an zeneral e son sanson ti annan pour tit « Lafyerte Kreol » swivi dan senkyenm pozisyon par Sly avek « Lanbyans Tropikal ».
Koman pri David Andre pou resevwar R15, 000 e son non pou osi ganny grave lo Stati Mizisyen ki sitie an deor Stad Lanmizik. I pou osi ganny en versyon minyatir sa stati.