Kominike lapolis-Pti baba mor i ganny trouve dan en bin |24 March 2008

Sa lensidan, ki enplik en travayer madanm 38-an ki pa en Seselwa, ti ganny raporte avek lapolis par responsab sa letablisman.

Viktim pe rekipere

Lapolis in egalman raporte ki en zonm 38-an sorti Anse Aux Pins ki ti’n ganny admit dan younit swen entansif apre ki en lot dimoun ti’n pik li dan son vant pe aprezan rekipere lo ward lopital Victoria.

Lapolis in ganny non sispe dan sa lensidan e loperasyon pou aret li i an progre.
Lapolis pe fer lanket dan sa ka ki ti ariv Zedi swar dan distrik Anse Aux Pins.

Tranzaksyon drog ilegal

Finalman lapolis in raporte ki 19 dimoun in ganny arete an koneksyon avek tranzaksyon drog ilegal.
Zedi pase pandan lazournen, 2 zonm ti ganny arete dan distrik Anse Royale, tandis ki ver 8-er diswar dan en loperason separe lo Chetty Flat, Anse Aux Pins, ek Cascade 17 sispe ti ganny arete pour posesyon drog kanabis e osi eroin.
Lapolis pe fer lanket dan sa bann ka.