Kominike Lapolis-Vol telefonn mobil |14 May 2008

Sa sispe ti komet enn sa lofans le 7 Me tandis ki lot i ti komet Lendi sa semenn.  Lapolis ti aret li Lendi menm ankor avek sa mobil enpe letan apre ki i ti’n vole,
Lakour in larg sa sispe lo serten kondisyon.
 
Sepandan sa menm sispe an kestyon in reganny arete lo en warant ki’n fek sorti pour li ankoneksyon avek en lot lofans kriminel.

Sa sispe pe repas ankour ozordi.

Tranzaksyon drog ilegal

De frer i ganny arete

Lapolis in raporte ki swivan loperasyon fer kot en lakaz yer bomaten Labati dan distrik Beau Vallon, 2 frer in ganny arete an koneksyon avek tranzaksyon drog ilegal.
 
Pli pti frer, aze 44-an, in ganny arete pour lofans trafik drog eroin tandis ki gran frer, aze 52-an, li i pe ganny ankete pour posesyon drog kanabis.

Tou le 2 sispe i ekspekte pas ankour ozordi.