Kominike Lapolis-Trafik/posesyon drog |16 May 2008

Sa pti frer 44-an, ki ti ganny arete an koneksyon avek trafik drog ilegal, in ganny rimann an detansyon lapolis.  Sa sispe, ki ti ganny arete an posesyon drog eroin, pou repas ankour ozordi kot i ekspekte ganny sarze.
 
An sa ki konsern sa gran frer 52-an ki ti ganny arete an posesyon drog kanabis, li in ganny large antretan ki lapolis i kontiny zot lanket dan sa ka.

Vol an servan vyolans

En zonm i ganny sarze

En zonm 39-an sorti Mont Buxton in ganny sarze e apre ganny rimann ziska le 21 Me pour lofans vol an servan vyolans.
 
Sa sispe, ki ti ganny arete Mardi, ti komet sa lofans le 6 Me Dan Koko, St Louis, letan i ti menas en koup avek en kouto e apre vol zot en bon sonm larzan.