Lapolis in atrap Christopher Dorizo |04 August 2008

Dorizo ki’n ganny blese par bal fizi dan en kote son lanmen letan i ti pe taye pou anpes li ganny arete i admit lo ward lopital Victoria.

Dorizo en deteni ki ti pe rimann prizon Montagne Posée ti sove le 21 Avril sa lannen apre ki i ti’n lager avek en zofisye lapolis ki ti pe akonpanny li lo enn son randevou medikal.

Sa lensidan ti ariv kot lopital Victoria.  Christopher Dorizo ti pe rimann an koneksyon avek plizyer lensidan kas lakaz e vole.