Madanm Agnes Reginald i fet son 100-an-Zwaye Anniverser! |14 August 2008

Osi prezan ti selman serten manm son fanmiy tel ki nyes, neve, osi byen ki detrwa zanmi, vi ki Madanm Reginald napa okenn zanfan.

Lazournen sa madanm ti komans avek en lanmes ki ti fer kot sa rezidans menm e animen par travayer kot sa lenstitisyon.

Me se plitar pandan lazournen ki Madanm Reginald ti ganny sans koup son gato ansanm avek Minis pour Lasante ek Devlopman Sosyal, Madanm Marie-Pierre Lloyd.

Koman kado, Minis Lloyd ti donn Madanm Reginald en pannyen dan ki ti annan plizyer manzay e osi keksoz pour bwar tel ki Ovaltine.

Sa madanm pe reste dan lakaz bann dimoun aze pandan sa dernyen 5-an.