Kominike Lapolis-En kab atraver semen i koz de aksidan |30 August 2008

Dapre drayver sa pick-up, sa zonm ki dan ICU ti pe debout deryer dan pick-up letan sa kab ti may li e anvoy li lo semen.
Sa lensidan ti ariv enpe letan apre 9er bomaten ler sa pick-up ti pe desann lo Grand Anse sorti Port Glaud.

Lot lensidan ti ariv ver 4er apremidi letan sa bis SPTC ki ti pe desann li osi sorti Port Launay ti may dan sa menm kab.
Se plizoumwen vit kraze par lenpak sa kab lo devan bis ki’n koz dimal sa drayer, ki ti ganny trete apre large.

Pour evit plis danze, sa kab ti plitar ganny koupe par en zofisye lakonpannyen Cable and Wireless.

En zonm i ganny sarze pour trafik drog ilegal

Lapolis in raporte ki en zonm 28-an sorti Bel Air ki ti ganny arete Merkredi le 27 Out semen Curio in formelman ganny sarze pour lofans trafik drog ilegal.
Sa akize, ki ti pas devan Lakour Siprenm yer, ti ganny arete an posesyon serten kantite drog kanabis.
Apard ganny sarze lakour in ordonnen ki sa zonm i ganny rimann 14 zour prizon Montagne Posee.
Sa akize pou repas ankour le 12 Septanm.