Vis-Prezidan Belmont devan Lasanble |30 September 2008

Onorab Ramkalawan pe demann minis pour eksplik lasanble akoz ki i ankor annan kliyan ki pe reste dan lotel Plantation Club menm apre ki sa lotel in perdi son laysenns.

Minis pour Devlopman Nasyonal, Msye Jacquelin Dugasse, pou osi prezan pour reponn kestyon ki konsern son minister.

Sesyon kestyon pou swiv par deba lo en proze-de-lwa -- sa i amannman lalwa lanplwa 2008.

Lo kote mosyon, i annan senk lo Order Paper pour sa semenn. Premye mosyon pe ganny anmennen par Lider Zafer Gouvernman, Onorab Marie-Louise Potter, ki demande ki Lasanble Nasyonal i aprouv lagreman ant Sesel ek Moris pour demark zòn eksklizif ekonomik (EEZ) ant sa de pei.

Dezyenm mosyon i par Onorab Bernard Georges, ki pe demande ki lasanble i zwenn dan staz komite pour konsider Lalwa Proteksyon Lanvironnman, 2008 e pour koriz en lerer dan sa lalwa.

Trwazyenm mosyon i par Onorab Ansley Constance e i pe demande ki gouvernman i met bann striktir neseser pour ki bann fanmiy ki annan fasilite konvenab i kapab ofer viziter etranze en lospitalite ki ris e otantik.

Lider pour Lopozisyon i loter mosyon ki pe demande ki gouvernman i azir konman fasilitater pou asire ki dimoun ordiner ek bann kontrakter i ganny materyo konstriksyon.

Senkyenm e dernyen mosyon i par Onorab Mark Naiken, ki pe demande ki gouvernman i ankouraz plis pwason pour ganny process isi Sesel ki an retour pei i ganny plis reveni avek sa lendistri.