Leko Baie Lazare i rezonnen partou |14 March 2010

Jeffna Albert i dir ki sa CD i en proze lasosyason mizisyen Baie Lazare.

“I pa ti sitan fasil me avek bokou perseverans nou’n arive fer li,” Jeffna ti dir zournal Nasyon.

Bann santer ki’n partisip lo sa albonm i Vincent Larue (Zaviron Milye), Thomas Alexis (BI), Johnny Payet (Koste Zabitan), Clement Dogley (Zougader ek Lafyerte), Ron Monthy (Mon Manman), Annie Quatre (Leko Distrik), Edison Esparon (Fe Lavi), Daniella Larue (Dir Mwan) , Paul Revera (Reste Dodo), Jean-Claude Volcy (Lanmour), Jeffna Albert ek Rafaela Adelaide (Mon Per).

Ban stil lanmizik i enkli, sega, rege ek zouk.

Sa albonm i’n anezistre kot studio Seysound, Anse Aux Pins, par Peter ek Nabby Jules.
Johnny Payet, Peter Jules, Billy Quatre, Terry Burka ek Channel Figaro i bann mizisyen ki’n fer lakonpannyman lo sa 14 sanson lo sa albonm.

“Nou remersye tou dimoun ki’n ed nou dan nenport ki fason pour realiz sa proze. Nou konfyan ki nou pou fer en lot albonm dan le fitir,” Jeffna ti dir zournal Nasyon.

Albonm I kout 125 roupi e i anvant dan plizyer magazen.
G. G.