Kominike Lapolis |12 April 2010

Dapre rapor, sa zonm ti pe koup semen sorti kote borlanmer pour al Corgate Estate letan i ti ganny tape par en bis TATA sorti direksyon lavil.

Sa aksidan fatal ti ganny raporte avek lapolis ver 8er50 Sanmdi swar.
Viktim sa aksidan ti ganny egzaminen lo scene par en dokter e ganny sertifye mor an arivan lopital.

********

Touzour dapre lapolis, en lot zonm, drayver en loto lwe, li in ganny admit dan younit swen entansif kot Lopital Victoria dan en leta kritik apre ki i ti perdi kontrol son loto e tap dan en miray obor kot Allied Builders, Le Rocher, ver 10er diswar Vandredi.

Sa zonm, ki reste Petit Paris, in sibir bokou dimal dan son latet.

********

Lapolis in egalman raporte ki lekor en garson 17-an, Michael Marie, ti ganny ranmase dan lanmer kot lasose Baie Ste Anne Praslin Sanmdi.

Dapre dokter ki’n egzamin lekor Michael, i paret ki in kapab fer en zour dan lanmer.
Se en maren lo bato Cat Rose ki ti trouv lekor Michael.
Dapre papa sa viktim, dernyen fwa ki i ti trouv son garson vivan ti ver 4er Vandredi.