Kominike Lapolis-Lanmor Shahifa Al-hashim |15 May 2010

I annan en tim spesifik ki’n ganny dezinyen pour fer lanket dan lanmor Shahifa ki ti ganny ranmase dan lanmer dan zanmerant Por Lapes bomaten Lendi le 3 Me.

Lapolis in fer resorti ki alegasyon ki serten parti lekor Shahifa in ganny koupe i fo.
Lapolis in egalman azoute ki zot lanket pe eksplor tou posibilite sirkonstans lanmor sa viktim.

Lapolis pe ankor ennfwa demann nenport endividi ki ti obzerv okenn sitiasyon en pe drol oubyen abnormal dan zanmerant Zarden Zanfan ek Por Lapes pandan lannwit ant Sanmdi le 1 Me e granmaten Lendi le 3 Me pour pa ezite kontakte departman CID lo nimero telefonn 288000 ouswa 999.