Prodiksyon papay lo Praslin |24 February 2017

Parmi 125 laferm egzistan lo Praslin 25% ladan i prodwi papay. I en fri ki ganny konsonmen lo zil sirtou par bann viziter. Me detrwa semenn pase sa fri ti pas dan kriz lavant, savedir ti annan plis prodwi lo marse ki konsonmater ti kapab konsonmen.

Sa moman la bann fermye ti les zot prodwi gate lo pye, en profi pour bann zwazo tel parey marten.

Avek en logmantasyon bann viziter lo zil dernyenman lavant in repran pour lazwa bann fermye.

Parmi bann fermye lo zil Praslin ki bann gran prodikter papay i annan Msye Neville Ally, Pearson Nibourette, Roy Niol, Charllie Morel, Ralph Souffe pour nonm enn de.

Petet dan lavenir Lazans pour Lagrikiltir i bezwen organiz formasyon lo agro-processing en fason pour ed zot donn valer azoute zot prodwi an ka en kriz i aparet. Sa pa zis aplik pour papay me osi lezot fri.