Kominike Lapolis - En zenn-onm i mor swivan en aksidan |03 August 2018

Lapolis in raporte ki en zenn-onm 21-an ki reste Roche Caiman in perdi son lavi dan en lot aksidan fatal ki’n arive Merkredi swar lo laveni Bois de Rose.

Sa ka fatal ti an rezilta kolizyon ant en bis Toyota Hiace avek en moter ki sa viktim ti lola.

Sa aksidan ki’n ariv vizavi ansyen ‘Animal Feed Factory’ ti ganny raporte avek lapolis ver 8.15 diswar.

Drayver bis, en zonm 41-an ki reste Ma Joie, i ansemoman an detansyon lapolis antretan ki lanket pe fer dan sa ka.

Sa aksidan fatal Merkredi swar i 6enm ki lapolis i anrezistre pour sa lannen.

Leta dan ki sa moter ek sa bis ti ladan apre sa aksidan