En madanm Kenyen, 2 Seselwa i ganny sarze pour lenportasyon drog |14 March 2022

En madanm Kenyen aze 35-an e de (2) zonm Seselwa sorti dan distrik Au Cap, enn aze 37-an e lot aze 19-an, in pas devan Lakour Siprenm Vandredi kot zot in ganny sarze e rimann pour set (7) zour pour lofans lenportasyon en drog kontrole, konplo pour lenportasyon en drog kontrole e pour trafik en drog kontrole, 498.76g kokain.

Zofisye Biro Anti-Narkotik (ANB) dan Lafors Lapolis Sesel ti aret sa trwa (3) akize tar mwan pase dan enn zot loperasyon, apre ki sa madanm Kenyen ti sey antre Sesel le 23 Fevriye 2022 atraver en vol Ethiopian Airlines avek sa drog ki i ti’n anvale.

Tou le trwa akize ti lo rimann depi ki zot ti pas devan Lakour Mazistra premye fwa le 25 Fevriye 2022. Zot pou retourn devan Lakour le 18 Mars 2022.

Kominike sorti kot ANB