En madanm 36-an i ganny arete pour lofans enportasyon drog |30 March 2022
Lakour Mazistra ti yer, Mardi le 29 Mars 2022, rimann pour 14-zour en madanm 36-an ki travay pour limenm e ki sorti dan distrik Anse Aux Pins.
Sa madanm pe fer fas avek sarz pour lofans ede e esey enport en drog kontrole, konplo pour lenportasyon en drog kontrole e pour trafik en drog kontrole. Sa drog, apepre 555 granm, ki pe ganny sispekte drog eroin, ti ariv Sesel atraver en parsel kot kargo Erport Enternasyonal Sesel, boner sa mwan e plitar ganny sezi par zofisye Biro Anti-Narkotik (ANB) dan Lafors Lapolis Sesel ansanm avek zofisye ladwann.
Swivan lanket apre sa lasezi, zofisye ANB ti aret sa madanm dan son distrik Lendi le 28 Mars 2022. Sa madanm pou repas an kour le 11 Avril 2022.
Kominike sorti kot Biro Anti-Narkotik Sesel