Kominike lapolis |06 July 2022
Marvin Dubel i ganny sarze pour 2 ka kas loto e vole ek 1 ka andomaz propriete
Marvin Dubel aze 34-an sorti dan distrik Baie Lazare ti yer apremidi formelman ganny sarze devan Lakour Mazistra pour 2 ka kas loto e vole ek 1 ka andomaz propriete.
Sa bann ka ti resaman ganny anrezistre kordgard Mont Fleuri ek kordgard Santral.
Mazistra in larg sa akize lo ‘cash bail’ lavaler 11 mil roupi pour sa bann ka. Par lefe ki Dubel pa’n reisi pey sa sonm 11 mil roupi ki fer i ganny rimann prizon Montagne Posée ziska le 18 Zilyet 2022 kot i ekspekte repas devan lakour.
Kominike sorti kot departman lapolis