Lapolis i rikord en onzyenm ka fatal lo semen |23 September 2022

Lapolis i rikord en onzyenm aksidan fatal ziska prezan.

Rapor ki lapolis in ranmase, en garson ki ti pe mont en moter ti pe fer direksyon Grand Anse Mahé letan ki i ti pe overtake en transpor ki ti pe fer menm direksyon avek li. Sa garson ti perdi kontrol son moter e al tap dan en trotwar.

Lendikasyon pe demontre siny vites dan sa aksidan.

Sa garson ti answit ganny transporte kot sant lasante Anse Boileau par lanbilans kot plitar i ti ganny sertifye mor.

Kominike sorti kot departman lapolis