Akize dan lanmor en madanm Pointe Larue i kondann lavi prizon |19 September 2019

Francis Baccas, aze 49-an sorti Pointe Larue ki ti’n ganny sarze pour lanmor son konpanny in kondann lavi prizon, lapolis in raporte dan en kominike yer.

Viktim, Madanm Angel Nanon, en madanm 63-an ki ti egalman reste Pointe Larue, ti mor dan younit swen entansif kot Lopital Sesel kot i ti’n admit Merkredi le 2 Zanvye, 2019 apre ki Baccas ti raporte ki i ti’n tonbe dan lasal de ben granmaten le 1 Zanvye.

Zizman dan sa ka ti rann tar Mardi swar apre ki mazorite manm ziri dan sa zafer ti trouv Baccas koupab pour mert.