Kominike lapolis |14 January 2023

En zonm 32-an sorti Roche Caiman ki pa dan lanplwa in pas ankour yer apremidi kot in ganny rimann ziska le 27 Zanvye 2023.

Sa zonm i sispe dan plizyer ka vol dan rezyon lavil. Sa bann ka i enkli kas transpor, vole lo 2 bato,  kas en stor kot serten lekipman bato ek lanmizik pour en valer plis ki 150 mil roupi in estimen ganny vole.

Lapolis pe kontinyen avek zot lanket dan sa bann ka.

 ******

Lapolis pe egalman fer lanket kont en zonm 27-an ki reste Anse Royale apre ki in sispekte servi kart labank en lot dimoun pour retir serten sonm larzan lo son kont. Sa sispe ti ganny arete Zedi swivan lenvestigasyon dan ka kot en zenn-onm 18-an ti’n fer en rapor ‘wallet’ perdi le 22 Desanm dan rezyon lavil.

Lanket dan sa ka i kontinyen.