En lafet travayer spesyal pour bann zofisye tenny dife lo Praslin |02 May 2025
Per Toulon pe beni en kanmiyon tenny dife (Portre : Kontribye)
En lafet travayer spesyal pour bann zofisye tenny dife lo Praslin
Par Mandy Bertin
Lafet Travayer ti enn ase spesyal pour bann zofisye Lazans Servis Tenny Dife e Sovtaz lo Praslin. Zot ti deside fer en aktivite en pti pe diferan sa lannen, e sa ti partisip dan lanmes ki ti’n ganny organize pour sa lokazyon kot legliz Saint Joseph dan distrik Grand Anse Praslin.
Sa bann zofisye ti pas laket pandan lanmes e zot ti menm partisip dan laprosesyon par anmenn stati Sen Zozef sorti dan en lale pa tro lwen avek legliz, apepre en demi kilomet, e answit zot in pas avek bann lezot parwasyen ki’n anmenn stati dan legliz.
Lanmes ti ganny prezide par Per Christian Toulon ki’n koz bokou lo kote travay, kot i ti fer resorti ki i annan dimoun ki travay bokou me apre i annan bann ki pares. I ti dir ki fodre zot met Bondye premye dan zot lavi pour ki zot a ganny sa gidans neseser.
To continue reading, please click here to subscribe to Seychelles NATION’s e copy