Kominike Lapolis |17 June 2025
De zonm i an detansyon konman sispe pour trafik imen
En zonm 45-an sorti Praslin ek en zonm 23-an sorti Anse Boileau, ki ti’n ganny arete pandan wikenn konman sispe dan en ka ki lapolis pe fer lanket ladan, in pas devan Lakour Siprenm yer bomaten kot zot in ganny rimann 14 zour andetansyon Lapolis.
Zot sispe dan en ka trafik imen avek lentansyon pour eksplwat en endividi e konplo pour lenportasyon en drog kontrole. Dan sa menm ka, ti deza annan 3 sispe zonm avek 1 sispe fanm lo rimann. Sa i vedir ki i aprezan annan 6 sispe ki lo rimann an relasyon avek sa ka.