Lasanble i aprouv bidze lazans, antite anba Minister Lanvironnman, Lenerzi e Sanzman Klima |04 December 2019
En bidze 242.594 milyon pour Lazans Zesyon Salte (LWMA) ti premye pour ganny analize e son bann alokasyon verifye yer apremidi pandan sesyon Lasanble.
Sete Minis Wallace Cosgrow, PS Alain de Commarmond, sef egzekitif Flavien Joubert ek lezot zofisye sa lazans ki ti’n vin defann zot bidze.
Sef egzekitif Fondasyon Zarden Botanik Msye Raymond Brioche li i ti zwenn Minis Cosgrow ek PS de Commarmond pour defann bidze sa fondasyon ki en sonm 14.159 milyon.
Lezot bidze anba sa minister ki ti napa deba ti sa ki pour ladministrasyon sa minister limenm, en sonm 99.40 milyon roupi, 6.859 milyon roupi pour Komisyon Lenerzi Sesel ek en lot sonm 16.588 milyon roupi pour Lotorite Meteorolozi.
Lasanble i kontiny son analiz bann diferan alokasyon bidze plitar bomaten apre deba lo lalwa logmantasyon saler dan servis piblik.
Marie-Anne Lepathy