Distrik Baie Lazare i ganny en nouvo sant lasante |29 July 2025
Prezidan Ramkalawan ek Minis Vidot pe devwal plak pour ofisyelman ouver sa nouvo sant lasante
Par Patrick Joubert
Tou bann servis swen lasante ki ti pe ofer par ansyen klinik Baie Lazare pe aparti ozordi ofer dan en nouvo sant lasante ki’n konstrir dan menm lokasyon dan sa distrik.
Nouvo sant lasante Baie Lazare ki modern e byen ekipe, ti ofisyelman ouver par Prezidan Wavel Ramkalawan ek Minis pour Lasante, Peggy Vidot, dan en seremoni yer apre midi. Prezan ti First Lady Linda Ramkalawan ; Vis- Prezidan Ahmed Afif ; Spiker Lasanble Nasyonal, Roger Mancienne ; bann minis ; komisyoner lapolis, Ted Barbe ; manm Lasanble Nasyonal ; travayer lasante ; zanfan lekol primer Baie Lazare parmi lezot envite ki ti enkli en group dantis ki manm German Dentist Association.
Konstriksyon sa nouvo sant lasante, ki annan plis lespas, ti konmanse en Fevriye 2024 e ti terminen boner an Zilyet sa lannen. Lamazorite servis dan ansyen klinik ti’n tanporerman bouz kot lekol primer Baie Lazare, a leksepsyon servis swen natal (ANC) ki ti bouz dan klinik Anse Royale.
Konstriksyon sa sant lasante, ki ti enkli renovasyon sa landrwa tanporer kot lekol primer, ti fer par lakonpannyen China Shengyang Construction a en sonm R9 milyon. Sa konstriksyon in ganny finanse antyerman par gouvernman. Ansyen klinik ti konstri an 1938.
To continue reading, please click here to subscribe to Seychelles NATION’s e copy