Plizyer lazans i mobilize pour netway Bazar Victoria ek son zalantour |10 December 2019
Legzersis pour netway bazar an progre (Portre : Joena Meme)
En group reprezantan plizyer lazans ti’n mobilize yer pour fer en gran netwayaz dan Bazar Victoria ek son zalantour pour debous bann dren, lav ater, retir bann salte ek delo sal ki ti pe blok bann dren ek rigol e koz move loder dan sa landrwa.
Bann lazans ki ti pe partisipe ti enkli en trantenn zofisye lapolis, en douzenn zofisye militer, bann responsab e travayer bazar zot menm parmi lezot.
Sa netwayaz i ekspekte kontinyen wikenn prosen e ozordi tou sa bann lazans i ekspekte zwenn pour desid lo meyer fason pour antrepann sa travay ki reste.
Marie-Anne Lepathy
