Kominike lapolis |03 November 2025
En zenn garson i ganny blese grav
En garson 20an sorti Anse Aux Pins i admit dan younit swen entansif Lopital Sesel, dan en leta kritik. Sa ti an rezilta en komosyon ki ti’n arive Sanmdi swar Forêt Noire, Mont Fleuri, kot sa viktim ti ganny pike lo en parti son lekor.
Lapolis ti ganny alerte lo sa lensidan ver 8er5 diswar pour lasistans. Antretan lanket i an progre dan sa ka e lapolis i ankor pe rod en sispe.