Kominike Lapolis |21 February 2026
En madanm 26-an i ganny dekouver mor kot en lakaz Anse Royale
Lapolis in konfirmen ki lekor en zenn madanm aze 26-an sorti dan distrik Anse Royale in ganny dekouver yer bomaten kot en lakaz Mont Plaisir dan distrik Anse Royale.
Lapolis ti ganny alerte lo sa lensidan ver 7er 45 bomaten, e en lanket detaye in komanse annatandan rapor rezilta letopsi pour determin lakoz ek sirkonstans otour son lanmor.
****
Lekor en zonm 51-an i ganny dekouver dan delo sale
Lekor en zonm aze 51-an sorti Dan Fatak, Anse Gaulette, dan distrik Baie Lazare in ganny dekouver dan delo sale yer granmaten dan zanmerant Valmer.
Dapre rapor inisyal, dernyen fwa ki sa msye ti’n ganny vwar vivan ti tar Zedi swar. Sete en zofisye sekirite kot en letablisman prive dan zanmerant ki ti fer sa dekouvert e alert lapolis 3er 10 bomaten pour lasistans.
En lanket in komanse annatandan rapor rezilta letopsi pour determin lakoz ek sirkonstans otour son lanmor.
Kominike sorti kot Departman Lapolis