Follow us on:

Facebook Twitter LinkedIn YouTube

Elections 2020

De dimoun sispe dan en ka posesyon zarm ek aminisyon i ganny arete |27 October 2020

En zonm aze 49-an ki reste Glacis ek en madanm aze 67-an ki reste La Misère in pas ankour apremidi Vandredi le 23 Oktob konman sispe dan en ka posesyon zarm ek aminisyon ki lapolis pe fer lanket ladan.

Swivan lenformasyon kredib resewar, lapolis ti mont en loperasyon kot lakour sispe nimero 1, sa zonm 49-an, granmaten Vandredi e plitar swivan lanket en ‘pistol’ ek serten kantite boulet (13) antou ti ganny dekouver e sezi. Sa ti swiv par larestasyon sa sispe.

Sispe nimero 2, sa madanm 67-an, ti ganny arete ver 10er53 bomaten letan i ti raport kot biro CID, Bois de Rose.

Devan lakour Vandredi apremidi, sispe nimero 2 dan sa ka in ganny large lo serten kondisyon tandis ki sispe nimero 1 in ganny rimann.

Toulede sispe pou repas ankour le 27 Oktob. Antretan CID i kontinyen avek son lanket.

 

 

****

 

Sispe dan ka dife dan lizin pwason Providence i ganny large lo serten kondisyon

 

Lapolis in osi raporte ki sa 2 zonm sispe ki ti’n ganny rimann an koneksyon avek dife dan lizin pwason Providence granmaten le 13 Oktob, in ganny large lo serten kondisyon apre ki zot ti’n reaparet devan Lakour Siprenm Vandredi.

Lanket CID dan sa ka sepandan i kontinyen.

 

*********

En zonm i mor dan en aksidan lo highway

 

Lapolis in raporte ki en zonm in mor swivan en aksidan lo highway an kitan ronpwen erport, Pointe Larue.

Sa zonm ti pasaze dan en pick-up ki ti perdi kontrol e savire avan ariv zanmerant kot bann travayer Endyen i reste lo zòn 21.

Drayver sa pick-up avek 2 lezot pasaze madanm ek en lot zonm in ganny transporte lopital pour lasistans medikal. Dapre rapor sa pick-up ti pe fer direksyon lavil o moman aksidan.

Sa aksidan ti ganny raporte avek lapolis ver 3er30 apremidi.

Lapolis pe fer lanket dan sa ka.

 

Kominike lapolis

 

 

More news