Follow us on:

Facebook Twitter LinkedIn YouTube

Politics

Parti United Seychelles i rezet alegasyon fer par SBC |01 April 2022

United Seychelles in rezet dan son totalite alegasyon fer par Seychelles Broadcasting Corporation (SBC) konmkwa sa parti pe fer fo lakizasyon e pe donn fo lenformasyon dan son konferans lapres ki pas an direk (live press conference).

United Seychelles i oule fer resorti ki a okenn moman in annan en ka difamatwar kont li an rezilta son bann konferans lapres.

United Seychelles i osi oule met lo rikord ki zanmen SBC in montre li en rapor en envestigasyon ki demontre ki United Seychelles i vin koz mansonz dan son bann konferans lapres an direk.

Fodre note ki kontrerman avek sa ki SBC in dir, i fer dezyenm fwa ki SBC i refize re-broadcast nou progranm e tir li lo YouTube.

United Seychelles i oule reasir tou dimoun ki son bann lenformasyon dan konferans lapres i kredib e antyerman korek.

United Seychelles i vwar largiman SBC ki nou banner ‘2025, Tir li’ pa annord kan a plizyer repriz SBC in montre banner ki pli vilger tel ki ‘Danny Out’ e ‘Pil lo li’.

I malere ki dan sa staz devlopman nou demokrasi, SBC i ankor vwar son rol konman portparol gouvernman dizour.

United Seychelles pe osi demann SBC en entervyou pour reponn alegasyon serye fer par son depite sef egzekitif (deputy CEO), Manmzel Cindy Wirtz, kont sa parti.

 

Kominike sorti kot parti United Seychelles

 

More news