Follow us on:

Facebook Twitter LinkedIn YouTube

Politics

En group siporter parti US i fer en manifestasyon |04 April 2022

En group siporter parti US i fer en manifestasyon

Sa group siporter US pandan zot manifestasyon devan baro SBC Hermitage

En group siporter United Seychelles (US) enkli dirizan linyon travayer sa parti United Workers Seychelles, Laurent Moumou ; lider parti, Dr Patrick Herminie; dirizan lopozisyon dan Lasanble Nasyonal, Sebastien Pillay; ti pran par dan en manifestasyon ki ti deroul kot baro SBC Hermitage Sanmdi bomaten.

Sa group anviron en senkantenn dimoun ti pe anmenn plakar avek diferan mesaz tel parey ‘Aret manipil SBC’, ‘Oli laliberte lekspresyon’, parmi plizyer lezot mesaz ankor.

Msye Moumou i dir sa manifestasyon ti an sipor zot bann manm ki dir zot pa pe kapab fer byen zot travay.

Msye Moumou i dir menm si in annan bokou lamannman dan lalwa pour permet SBC vin sa platform pli toleran kot tou dimoun e tou parti politik i kapab eksprim zot libreman san okenn lanpesman, zot santi ki sa i pa leka.

«Sa manifestasyon pe anvoy en mesaz kler avek tou lotorite konsernen pour les SBC fer son louvraz parey i devret. Nou pe swiv tre pre sa ki pe arive e i annan menm zournalis ki pa pe ganny envite pour kouver serten levennman e zot pe ganny entimide,» Msye Moumou i dir.

I’n ensiste ki ozordi i evidan ki SBC pa endepandan e ki in ler pour bann zournalis vin devan e dir fran ki zot pe ganny anpese fer zot travay parey zot devret.

 

Marie-Anne Lepathy

More news