United Seychelles i kondann bann “aksyon barbar” dan Katedral Imakile Konsepsyon |11 June 2022
Sete avek gran sagrinasyon ek regre ki United Seychelles in aprann ki in annan vandalizm serye kot Legliz Katedral Imakile Konsepsyon yer bomaten.
Sa bann aksyon dan limenm i montre nou sa dezenerasyon dan moralite dan nou pti pei Sesel e ki bokou nou in osi perdi respe pour larelizyon.
United Seychelles i zwenn ansanm avek lakominote Seselwa pour kondann sa bann aksyon barbar e nou priye ki dan sa moman difisil pour Legliz Katolik ek pep Seselwa an zeneral, aksyon sever i ganny pran pour anmenn sa ki responsab devan lazistis.
Kominike sorti kot parti United Seychelles