Follow us on:

Facebook Twitter LinkedIn YouTube

Domestic

Lapolis i anons laranzman trafik pour sa wikenn |02 July 2022

An preparasyon pour parad ki pou deroule demen, Dimans le 3 Zilyet, dan serten semen dan lavil, lapolis in anons serten mezir ki zot pe pran pour zer sirkilasyon trafik.

Lavey parad, ozordi Sanmdi le 2 Zilyet, sel semen ki pou fermen dan lavil i toulede kote semen Laveni Lendepandans.

Par kont, motoris ek manm piblik pe ganny enformen ki sa bann semen swivan pou fermen demen, Dimans le 3 Zilyet, pour fasilit deroulman parad nasyonal dan lavil Victoria apremidi.

Lari Pierre De Possession (Ex-Francis Rachel, depi Ron Pwen Le Chantier ziska kot lorloz enkli depi kot lorloz ziska lalimyer trafik Premier Building. Sa i apartir 12:30 apremidi.

Laveni Lendepandans pou egalman fermen pour sirkilasyon trafik osi byen ki Laveni Konstitisyon depi kot Moniman Bisanter ziska Ron Pwen Le Chantier.

Sepandan avan parad konmanse, Laveni Konstitisyon depi Riviere Anglaise ziska Moniman Bisantener pou ganny kontrole par zofisye lapolis.

Sinon bann morso semen mansyonnen pou fermen depi 12:30 ziska ler bann aktivite i terminen.

Pandan sa letan operater taksi pe ganny demande pour servi larout ki pas obor Freedom Square pour fer zot bann kours tandis ki lezot motoris pou bezwen servi Lari Telemaque ki pas devan zarden zanfan ek Marine Charter pour ariv dan zot destinasyon.

Lezot larout ki motoris i kapab servi i semen Bel Eau.

Motoris pe egalman ganny averti ki karpark Stad Popiler, Victoria Gymnasium ek Victoria House pou fermen Dimans apartir 6er bomaten.

Lapolis pe demann motoris ek manm piblik pour korpere e respekte direktiv son bann zofisye ki pou pe travay lo semen e pandan deroulman bann aktivite.

 

Kominike sorti kot departman Lapolis

 

More news