Follow us on:

Facebook Twitter LinkedIn YouTube

National Assembly

Bann manm Lasanble National i fini donn zot reaksyon lo merit zeneral bidze 2023 |15 November 2022

Bann manm Lasanble Nasyonal in yer apremidi fini donn zot larepons ek reaksyon lo merit zeneral bidze pour 2023 ki Minis pour Finans, Planifikasyon Nasyonal ek Komers, Naadir Hassan, ti prezante devan Lasanble Nasyonal le 4 Novanm.

Minis Hassan, ki’n prezan dan Lasanble Nasyonal pour sa trwa zour prezantasyon, in ekout atantivman larepons ek reaksyon tou sa bann manm.

Me sa sesyon Lasanble ki ti termin zis en pti pe avan 5er apremidi ti fini lo en move not akoz apre ki manm elekte pour Bel Ombre, Sandy Arrissol, ti’n fini donn son reaksyon, ti annan reaksyon serten manm dan lasal ki pa ti lo mikro e piblik pa’n konpran ki ti pe pase. Me sa ki piblik ti tande se reaksyon Spiker Roger Mancienne ki ti pe demann en manm parti lopozisyon, Johann Loze, pour kit Lasanble deswit akoz in kriy avek li.

Swivan sa sesyon Lasanble ti terminen e prosen sesyon pou repran ozordi bomaten 9er avek larepons Minis Hassan avan kontinyen avek deba dan staz komite kot ozordi trwa antite ‒ Lotorite Plan Sesel, Lazans Lenfrastriktir Sesel e osi Minister Later ek Lakaz ‒ i ekspekte vin defann zot bidze.

 

Marie-Anne Lepathy

 

More news